ஓவியம்

சிந்தையில் இருந்து சிதறிய கற்பனைத் துளி
விந்தைகள் புரியும் வண்ணங்களின் ஆவளி
ஓவியம்!

துணைவி

ஒரு கோடி ஆனந்த நினைவுகளின் குவியமே
ஒரு மின்னற்கொடி எனச் சிரிக்கும் நகையழகே
ஒரு அணைப்பில் உயிர் தீண்டும் இன்பத்தீயே
ஒரு விஷயம் கூற வேண்டும் கேட்டுவிடு!

உள்ளத்து அழகோ உள்ளிருக்கும் அன்போ
உடல் கொண்ட வடிவோ விரலோர ஸ்பரிசமோ
நிஜமாய்ச் சொல்கிறேன் நீ எனை வென்றிட்டாய்
நித்தம் உன் மடி நாடும்படி செய்திட்டாய்!

கோபம்!

குறைக்கச் சொல்கிறது இலக்கணம்
குறைந்தால் மதிப்பில்லை இக்கணம்
கோபம்!

மகிழ்ச்சி

பிறர்க்குத் தருகையில் கர்ணன்
தனக்குத் தருகையில் கருமி

மகிழ்ச்சி!

அமாவாசை நிலவொளி!

விடிவெள்ளிக்குத் துணையாய் விடியும் வரை விளக்கெரிய

குமுத இதழ்கள் குமுதம் படித்தனவோ - கார்வண்டுக் கண்களவை

வெள்ளித் திரையில் இலயித்தனவோ யாரறிவார்!

அடுத்த மாதப் பரீட்சையோ அக்காள் மகளிடம் வாஞ்சையோ

அதரம் உதிர்த்த அழகியதோர் ராகமோ - ஒப்பற்ற அழகியுந்தன்

அறையில் கூட விளக்கெரிய நான் மட்டும் இருளில்!

அமாவாசை நிலவொளியில் அந்தரங்கமாய்ச் சொன்னதை

அகமகிழ நேரே சொல் அடுத்த கணம் அங்கிருப்பேன் - இரகசியமாய்க் காதலித்த

அல்லல் நீங்கி அருள் பெறுவேன்!

புத்தாண்டு நல்வாழ்த்துக்கள்

இறைவனைத் தொழுதும் இன்னல் வந்தும்
இனிமைக்குச் சற்றே பஞ்சம் பிறந்தும்
இருபத்தி ஐந்தை கடிகாரம் மறந்தும்
மனிதத்தின் சாரம் சற்றே மறைந்தும்
புதியதோர் ஆண்டு பிறத்தல் புத்துணர்வே
உதிக்கும் நம்பிக்கைச் சூரியனின் ஒளியுமதே!

அனைவருக்கும் இனிய புத்தாண்டு நல்வாழ்த்துக்கள்.

விஞ்ஞானம்

கபடமே அறியாத அதிகாலை பனிக்காற்றும்
தாமரை உடையணிந்த அழகியாய்ச் சித்திரைக்குளமும்
காவலுக்கு ஆயுதம் தாங்கி கருப்பனும் காளியும்
கள்ளமற்ற உள்ளங்களின் எல்லையற்ற மகிழ்ச்சியும்
ஈரறுபது நிழற்துளிகளாய் மாறி நின்று
அனுவறுத்த துளிகள் மேல் பயணமாம்
வரவேற்றுத் தனிமையறுக்கும் நாகரீகப்பெட்டி
ஒரே விலை பதினைந்தாயிரம் ரூபாய்!