முடிவிலி எனத் தோன்றும் காலத்தை
முடிந்து தொடங்கும் ஆண்டுகளாய்ப் பிரிக்க
இன்பங்கள் பெற்று, பாடங்கள் கற்று,
பயணங்கள் மேற்கொண்டு, பலரையும் சந்தித்து,
சிரித்து, அழுது, சிலிரித்து, உழைத்து
களைத்து, மறுகிச் சேர்த்த நினைவுகளை
அசை போடக் கிடைத்ததாம் ஆண்டிறுதி...
மனிதம் பெருக்கி மாட்சி பெற்று
சிறுமை தொலைத்து சிறந்து செழிக்க
மற்றுமோர் சந்தர்ப்பமாய்ப் பிறக்குமாம் புத்தாண்டு...
கொண்டாடிக் குதூகலித்துப் புதிதாய்ப் பிறப்போம்
பிறக்கும் இவ்வாண்டினிலே மேம்படுவோம், மேம்படுத்துவோம்!
அனைவருக்கும் இனிய ஆங்கிலப் புத்தாண்டு நல்வாழ்த்துக்கள்!
